Baccalauréat de l'enseignement
général
Madagascar
Session 2010
MALAGASY – Séries : CD
N.B. : - Tsy maintsy atao ny laza
adina I.
- Isafidianana ny laza adina II.
LAZA
ADINA I
: Tsy
maintsy atao (isa 6)
Fanontaniana
1 – Manomeza
ohabolana telo mikasika ny “marina” ka sintony avy amin’izany ireo toetrany.
(isa 3)
2 – Inona no nilàna
ny literatiora tamin’ny vanim-potoanan’ny literatiora am-bava?
(Valin-teny
telo)
(isa
3)
LAZA ADINA II : Isafidianana ny A sy B
(isa 14)
A – FAMAKAFAKAN-KEVITRA
Hoy Randrianjoanimanana: “Ny tsy fahaizan’ny olona
iray mitsimbina ny ainy dia miteraka fahavoazana ho an’ny tenany sy ny
mpiara-belona aminy ary ny firenena manontolo mihitsy aza”.
Fakafakao.
B – FANADIHADIANA LAHATSORATRA
Ny antony mampiseho
ny tsiny eo amin’ny fiainana: vava manozona, ananan-tsiny; tanana mangalatra,
ananan-tsiny; fitondrana tsy marina ka mifanohitra amin’ny navelan’ny Ntaolo,
ananan-tsiny (…). Tsy ny heloka lehibe ihany no ananan-tsiny, fa hatramin’ny
hadisoana kely dia mampanan-tsiny avokoa. Ohatra: toetra mampamoafady teo
amin’ny Ntaolo taloha izany hiaraka hilahatra handihy tahaka ny dihy “bal”
ankehitriny, ka noheverina fa mahafaty vorona. Dikany, mahafolaka an-dantony fa
manao fomba mamoafady. Ohatra iray hafa: mpitondra fanjakana manao teniko fe
lehibe, ka manitsaka ny ambany fa manararaotra ny fahefana ananany, hanasaziana
ny ambany raha misy tsangan-kevitra kely mifandiso amin’ny azy.
Koa hoy ny filazany
azy tamin’izany: “ny tsiny tsy mifidy ambony sy ambany fa tahaka ny
fahafatesana, ka izay miringiringy no lavony, izay mioty manta no leony”. Koa
na dia alàn’ny vava aza ny tsiny, ka esorin’ny lela ny fondro, kanefa ny
fitondrantena tsy mandeha amin’ny fahamarinana, dia toy ny bokalahy mievina, ka
afa-drofy anio fa mbola hivindina rahampitso.
Ka ny fombam-panajana
no nolalain’ny Ntaolo, dia noho ny fahatahorana ny tsiny. Aiza anefa izany
ankehitriny?
RAKOTO Paul.
Tsileondriaka, lah.6, Oktobre 1972
Hadihadio io lahatsoratra io.