Baccalauréat de l'enseignement
général
Madagascar
Session 2008
malagasy – Série : A
N.B.
:
- Tsy maintsy atao ny laza adina I.
- Isafidianana A sy B -n’ny laza adina II.
Laza adina I : Tsy maintsy atao (isa
6)
Fanontaniana :
1°) Milazà tara-kevitra roa iombonan’ny asa soratr’i J.J RABEARIVELO sy Samüel
RATANY. (Isa 3)
2°) Hazavao ao anatin’ny andalana tsy mihoatra ny dimy fa mpiantoka ny velona
ny razana. (Isa3)
Laza adina II : Isafidianana A sy B (Isa
14)
A- Famakafakan-kevitra
Hoy
ny mpandinika iray : ”Tsy ilaina ny literatiora, satria ny onjan’ny nofinofy
voiziny dia misavoana mandrendrika ny lakan’ny fampandrosoana ny
fiaraha-monina”.
Fakafakao sy
tsikerao izany.
B- Fanadihadiana
lahatsoratra
…
-
Hanao
boto ? Lehilahy efa mba teny amin’ny oniversite ve dia hanao boton’olona ? Tsy
rariny kosa izany !
-
Fa
angaha ny “maha-lehilahy lehibe teny amin’ny oniversite” ahy hahitako ny haniko
isan’andro ? Ary inona intsony moa izay Rariny e ? Ny miasa an-trano no mba
haiko sy mora mety hahitana asa. Izay no anjara tratrako.
-
Marina
kanjo ny anao ! Tena mampalahelo isika tanora ankehitriny. Mba nianatra ihany.
Mba nandanian’ireo ray aman-drenintsika fatotra amam-pondrana ihany, … nefa dia
izao : tsy an’asa. Fahiny, rehefa miteny i Dada mialoha ny taom-pianarana
vaovao dia hoe : ”Mianara tsara ! Tsy mba manan-kolovàna afa-tsy ny fahaizana
ianareo. Mianara dia ho tafita !” Ankehitriny anefa, toa izay nianatra indray
ity no rendrika (…)
-
Izany
anie no ilazako hoe : Tsy hitako intsony izay Rariny ! Raha ny fikirizako
fahiny ry Meja, tsy haniry izay ho mpiasa an-trano mihitsy aho ! Tsy izany
velively no tanjoko (…) saingy resy e ! Ny hahitana izay sitrany ahay
vaza-mihetsika sisa …
Iharilanto Patrick ANDRIAMANGATIANA,
in : VAKIVAKIM-PIAIANANA, tak, 26-27
Hadihadio io
lahatsoratra io.