Baccalauréat de l'enseignement
général
Madagascar
Session 2004
malagasy – Séries : C D
N B : - Tsy
maintsy atao ny laza adina I.
- Isafidianana ny laza
adina II.
Laza adina I : Tsy maintsy atao.
Fanontaniana
1- Iza avy ireo mpanoratra
nalaza tamin’ny fanentanana ny vahoaka tamin’ny fitadiavana ny very ?
2- Manomeza ohabolana telo
mikasika ny fanahy.
Laza adina II : Isafidianana ny A sy ny B.
A- Famakafakan-kevitra
Hoy ny
mpandinika iray : “Tsy mba lahatra ny fahantrana ; ady ny fiainana… Izay
mahatakatra izany no handrombaka ny fandresena”.
Fakafakao
izany.
B- Fanadihadiana
lahatsoratra
(…) Ary
ity fihavanana ity koa anie no tena manimba ny fiainan’ny gasy ê ! Io no atao
fialana amin’ny fahalain-kisahirana.
Tsy
mahita izay hohanina, dia hivahiny any amin-dRahavana aloha ! Dia any, manao
vahiny sari-monina, kamo be tenda any fotsiny, tsy mijery ny fahasahiranan’ny
hafa. Fiainana efa mafy ity ka hitavana ny an’ny olona fotsiny ! Sarotra aminao
ny fiainana ka no tamoraina ny an’ny hafa !
(…) Ary
tsy hampanan-karena mihitsy ny gasy koa ity fitandroam-pihavanana lava ity ê !
Amiko, aleoko very tsikalakalam-pihavanana toy izay very tsikalakalam-bola. Ny
havana, mora hita iny ! Vao be ny vola, vao manan-katolotra, tonga izy ! Ny
manam-patsa be mpitia !… Fa raha vao tsy misy “Ra-vola,” hialany, handosirany,
hodiany tsy fantatra ; amiko, “ny vola miteraka havana, fa ny havana mandany
vola.”
Efa
mazava tamiko ny fisainan’ny zaodahiko. Mbola nisalasala ihany anefa aho…
Saingy nony nilaza tamiko manokana izy fa aleony, hono, miompy dinta na moka na
hao, toy izay mahita ahy ao an-tranony, dia tapaka ny hevitro : handeha aho.
Iharilanto Patrick Andriamangatiana
Vakivakim-piainana takila : 16-17
Hadihadio, araka ny
hita taratra ato amin’ny lahatsoratra ny fahapotehan’ny toe-panahy mandala
fihavanana teo amin’ny malagasy.